Studiespesialisering

Studiespesialisering

Er du interessert i teoretiske fag og ønskjer å studere ved universitet eller høgskule seinare? Då kan du velje studiespesialisering. Utdanninga er treårig og fører fram til generell studiekompetanse. Du kan òg velje fag som gir spesiell studiekompetanse.

Kvifor velje Amalie Skram vidaregåande skule?

Amalie Skram vidaregåande skule er den største skulen for studiespesialisering i Hordaland. Vi har ni parallellar og over 800 elevar. Det gjer at vi kan tilby eit breitt utval av fag og fagkombinasjonar innan studiespesialiserande utdanningsprogram.

Hos oss får du stor fridom til å velje dei programfaga som passar best for deg og dine vidare planar.

For å søkje høgare utdanning ved universitet og høgskule må du ha generell studiekompetanse. Nokre studium krev i tillegg spesiell studiekompetanse, det vil seie bestemte fag eller fagkombinasjonar.

Som elev på studiespesialisering hos oss kan du oppnå både generell og spesiell studiekompetanse.

Ta gjerne kontakt med skulen dersom du har spørsmål om fagval eller opptakskrav.

Se større bilde

Se større bilde

Se større bilde

Første året på studiespesialisering

Når inntaket er klart, får du ein SMS frå skulen med informasjon om høve til å velje eitt ekstra fag på vg1.

Faga toppidrett, breiddeidrett, teknologi og forskingslære er tilbod vi har i tillegg til dei obligatoriske faga på vg1. Les meir om toppidrett svømming/stuping, toppidrett fotball, breddeidrett. Vi tilbyr òg toppidrett i andre idrettar etter avtale med skuleleiinga.

Har du hatt matematikk 1T i 10. klasse, kan du halde fram med R1 hos oss på vg1. R1 går parallelt med 1T og 1P på timeplanen.

vg1

For deg som held fram med same språk som på ungdomsskulen
Vi tilbyr:

Fransk II, 1. år
Spansk II, 1. år
Tysk II, 1. år

For deg som vil byte framandspråk
Vi tilbyr:

Kinesisk I, 1. år
Tysk I, 1. år

Dersom du ikkje har hatt framandspråk på ungdomsskulen
Då må du ha framandspråk også på vg3, i staden for eitt av programfaga dine. Du kan velje mellom:

Kinesisk I + II
Tysk I + II

Mot slutten av skuleåret blir 20 prosent av elevane på vg1 trekte ut til skriftleg eller munnleg eksamen.

Har du spørsmål?

Ta kontakt

Tove Heradstveit

Avdelingsleiar vg1

Tlf: 976 27 278 E-post

Andre året på studiespesialisering

Se større bilde

Se større bilde

På vg2 studiespesialiserande har du relativt få timar med fellesfag. Du skal velje programfag innan programområdet realfag eller språk, samfunnsfag og økonomi.

I tillegg til matematikk 2P, matematikk S1 eller matematikk R1, skal du velje tre programfag. To av programfaga du tek på vg2 innanfor same programområde, skal du vidareføre på vg3.

Sjå døme på blokkskjemaet for vg2 for å få oversikt over kva fag vi tilbyr i dei ulike blokkene. Du må velje eitt fag frå kvar av blokkene 1, 2, 3 og 4. Det er ikkje sikkert at alle gruppene blir sette i gang, men vi vil tilby dei aller fleste faga.

Nokre elevar vel å ta vg2 som utvekslingselev i utlandet. Då er det viktig at du avklarer med rådgivar eller avdelingsleiar kva reglar som gjeld for godkjenning av fag du tek i utlandet.

På slutten av skuleåret blir alle elevar på vg2 trekte ut til anten skriftleg eller munnleg eksamen.

På vg1 skal du velje eit framandspråk i tillegg til engelsk. Det språket du vel på vg1, skal du halde fram med på vg2. Sjå under «Første året» for oversikt over kva språk vi tilbyr.

Dersom du ikkje hadde framandspråk på ungdomsskulen, må du ha framandspråk også på vg3.