Medium og kommunikasjon er faget for deg som er kreativ og interessert i å lære om kommunikasjon og bruk av media. Du lærer mellom anna forteljarteknikkar innan tekst, lyd og bilde, og å utforme bodskap. Studietilbodet er treårig og gir generell studiekompetanse.
Medium og kommunikasjon
+
-
Se større bilde
+
-
Se større bilde
+
-
Se større bilde
Bruk piltastene til å bla i bildene
Kvifor velje medium og kommunikasjon?
Likar du å ta bilete? Å lage film? Å skrive? Er du samfunnsinteressert?
Då bør du velje medium og kommunikasjon. Dette er ei kreativ studieretning der du får arbeide mykje praktisk med medieproduksjon – både foto, film, lyd og tekst.
Vi lever i ei spennande medieverd i stadig endring. Eit privat innlegg på Facebook kan hamne på avisene sine framsider, og unge menneske kan tene pengar på eigne digitale plattformer.
Å forstå rolla media har i samfunnet, er viktig i mange yrke – anten du seinare vil studere juss, økonomi, leiing, marknadsføring, PR, journalistikk eller arbeide med politikk.
Vel du medium og kommunikasjon som utdanningsprogram, får du generell studiekompetanse og kan søkje vidare til universitet og høgskular.
Dette lærer du
- Forteljarteknikkar innan tekst, lyd og bilete
- Om mediepåverknad, mediehistorie og journalistikk
- Å utforme bodskap, uttrykk og layout
- Bruk av form, farge, lys og lyd som verkemiddel
- Å vidareutvikle din digitale kompetanse
- Teoretiske fag
Dette bør du vere
- Kreativ og nysgjerrig
- Interessert i kommunikasjon og mediebruk
- Glad i å formidle gjennom bilete, film, lyd og ord
- Oppteken av informasjonsteknologi og digitale medium
Val av fag i utdanningsprogrammet
- På Vg2 kan du velje eitt programfag, og på Vg3 kan du velje to.
- Valfrie programfag kan vere vidare spesialisering i medier og kommunikasjon eller fag frå andre studieforberedande utdanningsprogram (som realfag eller framandspråk).
- Skulen avgjer kva programfag som blir tilbode.
- Dersom du ikkje hadde framandspråk på ungdomsskulen, må du ta framandspråk som fellesfag på Vg3 i staden for eitt av dei to valfrie programfaga.
+
-
Se større bilde
Bruk piltastene til å bla i bildene
I Vg3 kan du velje 8 timar mediefag (Bilde og Grafisk design) i tillegg til dei to obligatoriske programfaga, eller to andre fag du måtte ønskje frå blokk 4 og blokk 5.
Har du spørsmål?
Ta kontakt
Tove Heradstveit
Avdelingsleiar Vg1